Það sem af er leikárinu hefur verið lagt kapp á að  efla tengsl Þjóðleikhússins við skólana í landinu. Leikhúsið hefur verið með kynningar í skólum og hér hefur verið tekið á móti hundruðum barna á skólatíma og þeim kynnt starfsemi leikhússins. Einnig hefur verið efnt til skólasýninga með lækkuðu miðaverði og umræðum eftir sýningu á litlu sviðunum á þriðjudögum og miðvikudögum,  eins og fjallað er um á síðunni hér að framan. Fræðsludeildin stóð að sýningu á aðventuleikritinu  Leitinni að jólunum sem fékk frábærar viðtökur,  bæði hjá skólum, leikskólum og almenningi. Í þessari sýningu ferðuðust ungir leikhúsgestir um leikhúsið  í fylgd leikara og hljóðfæraleikara og sáuleikþætti um jólin í gamla daga og í nútímanum. Mjög góð þátttaka hefur verið í vinnusmiðjum fræðsludeildarinnar sem haldnar eru einu sinni í mánuði. Um tuttugu kennarar úr ólíkum skólum taka þátt í vinnusmiðjunum og hljóta þar þjálfun í  að vinna með aðferðir leikhússins í skólastarfinu.

Fræðsludeildin stendur fyrir ýmiskonar námskeiðahaldi og fékk meðal annars snemma á leikárinu kanadíska leikhúsmanninn Shawn Kinley til að halda námskeið í spunatækni og hópefli. Námskeiðið var mjög vel sótt, bæði af leikhúsfólki, kennurum og öðru áhugafólki um eiklist. Deildin stendur fyrir ýmsum